إبراهيم سعيد ينهار من البكاء بعد الخروج من السجن: “أنا في ابتلاء قوي ومتوقعتش ان ولادي يعملوا فيا كده” - الخليج الان

انهار إبراهيم سعيد نجم النادي الأهلي والزمالك ومنتخب مصر السابق، من البكاء عقب خروجه من السجن بعد انتهاء مدة حبسه في قضية نفقة تم رفعها من طليقته، ويستعرض تليجراف الخليج التفاصيل. 

انهيار ابراهيم سعيد بعد خروجه من السجن 

وانهار إبراهيم سعيد بمجرد خروجه، من السجن حيث تحدث نجم القطبين السابق عن معاناته داخل السجن والظروف الصعبة التي مر بها.

في تصريحات صادمة ومليئة بالحزن، قال إبراهيم سعيد: "مكنتش عارف أمي عايشة ولا ميتة، ومقدرتش أكلم بنتي بيلا في رمضان حتى أقولها كل سنة وانتي طيبة، وده شيء كسرني من جوايا".

إبراهيم سعيد: معرفش ازاي ولادي شهدوا ضدي قدام القاضي 

وأضاف: "حرمتوني من مراتي وولادي، ومش عارف أدعي عليكم ولا أدعيلكم... أنا في موقف صعب جدًا، وابتلاء قوي وصعب من ربنا"ز

النجم السابق، المعروف بشخصيته القوية داخل الملعب، ظهر لأول مرة بعد فترة حبسه في حالة انهيار، متسائلًا: “أنا أبوهم وسندهم، مش مصدق اللي عملوه فيا، إزاي ولادي يقفوا قدام القاضي ويشهدوا ضدي؟”.

وتابع : "مينفعش حد يبعت فلوس لأولاده ويقولهم امضوا على الأكل واللبس اللي جبته، أنا كنت جزء من فرحة الناس، ناس كتير اختلفت معايا في الكورة، بس عمري ما زعلت من حد، أنا دلوقتي محتاج اللي يطبطب عليا".

وفي مناشدة لرجال الدين، توجه إبراهيم سعيد بسؤال مؤلم: "أنا عاوز أعرف من دار الإفتاء وشيخ الأزهر، أعمل إيه في أسرتي بعد اللي عملوه فيا؟ أدعيلهم ولا أدعي عليهم؟ ربنا يلهمني الطريق الصح".