مبعيجبنيش الحال المايل.. مصطفى كامل عن أزمة راغب علامة: عندنا الفيديوهات اللي بتبوس فيها من هنا وهنا - الخليج الان

تحدث الفنان مصطفى كامل نقيب المهن الموسيقية عن أزمة المطرب راغب علامة بعد قراره بمنع غناءه في مصر وإحالته للتحقيق بسبب ما حدث في حفله الاخير بمهرجان ليالي مراسي.

مصطفى كامل عن أزمة راغب علامة: اللي حصل مش مجرد غلط 

وقال مصطفى كامل خلال مداخلة هاتفية مع الإعلامية ياسمين عز ببرنامج كلام الناس وفقا لما رصده موقع تليجراف الخليج: مين فينا معندوش عمل غلطة؟ كل إنسان خطّاء، ومفيش عيب أبدًا إني أقول آسف لو أخطأت بس اللي حصل مش مجرد غلطة، دي واقعة كبيرة وشكلها كان فج، ولا يمكن التغاضي عنها.

واكد،أنا لا أقبل بالحال المايل حتى في بيتي، فكيف أقبله على النقابة؟ اللي حصل لا يمكن نعديه ونقول نلوم ونعاتب وخلصت، لأ، ده تجاوز كبير، وله تأثير مباشر على صورة مصر قدام العالم.

مصطفى كامل: ممنعناش راغب من العمل ولكن وقف ظهوره بشكل مؤقت 

وأكد مصطفى كامل: في فرق بين الغلطة اللي تعدي، وبين التجاوز اللي يضر شكل مصر.. وده اللي حصل فعلًا، وإحنا ما منعناش راغب بشكل دائم، لكن قررنا وقف ظهوره مؤقتًا لحد ما يتم الاستماع إليه، والقرار صدر من مجلس النقابة بالكامل مش مني لوحدي.

مصطفى كامل يكشف تفاصيل محادثته مع راغب علامة 

وكشف مصطفى كمال عن تفاصيل محادثته مع راغب علامة، موضحا: قالي مش أنا اللي غلطان دي البنت.. قولتله يا راغب احنا هنتكلم كـ اتنين صحاب مصطفى وراغب.. دا شكل أنت واخده لنفسك وحاطط نفسك في الإطار ده.. قولتله بلاش تحسسني إن الموضوع بسبب البنت.. دي واحدة طالعة وواحدة نازلة وعندنا الفيديوهات كلها.. اللي بتبوس هنا وهنا.

مؤكدا: بعد ما اتكلمت مع راغب اتفقنا ننهي الأمر، وبعت لي رسالة فويس فيه كل الاعتذارات بسبب اللي حصل.. ولكن حد قاله متسكتش يا راغب وطلع تاني يوم بيقول أنا زعلان من النقابة.. لا النقابة صاحبة حق ولما يتكلم بعد ما اتفقنا يبقى كدا أنت مش شايفني كده  يا راغب!

ويذكر أن مصطفى كامل قد أصدر قرار بمنع الفنان راغب علامة من الغناء في مصر وذلك بعد حفله الغنائي في مصر وما حدث به من أشياء غير متوافقة مع المجتمع المصري، فضلا عن إحالته للتحقيق.