خلاني أعيد حساباتي.. أيمن بهجت قمر يعلق على تصريحات لقاء سويدان - الخليج الان

علق السيناريست أيمن بهجت قمر، على تصريحات الفنانة لقاء سويدان، معبرًا عن تأثره الشديد بما جاء فيها، ومؤكدًا أن الفيديو جعله يعيد التفكير فى الكثير من الأمور.

رسالة أيمن بهجت قمر لـ لقاء سويدان

وكتب السيناريست أيمن بهجت قمر، رصده موقع تليجراف الخليج، عبر حسابه الرسمى على مواقع التواصل الاجتماعى فيسبوك: أنا إمبارح لحد الفجر عمال أعيد فى فيديو الفنانة لقاء سويدان وأتخيل نفسى مكانها، الفيديو ده خلانى أعيد حساباتى فى حاجات كتير وأفكر هل فيه حد أو موقف يستاهل كل الزعل ده.

وأضاف: انفذ بجلدك واهرب من أى شخص أو أى قصة أو موقف يأذيك ويكسرك ويوصلك لكده، محدش هينفعك والكل هينفض من حواليك لو مش واقف على رجلك.

لقاء سويدان تكشف عن أسباب إصابتها بمرض العصب السابع

وكانت قد كشفت الفنانة لقاء سويدان، عن أسباب إصابتها بمرض العصب السابع، التي دخلت على إثره للمستشفى خلال الأيام الماضية، ظاهرا عليها ملامح الحزن والتعب.

وقالت الفنانة لقاء سويدان، خلال برنامجها في قناة الشمس: حبيت أظهر الجانب التاني بدون خجل، إحنا في الأول والأخر الفنانين بني آدمين بيفرحوا ويزعلوا ويفشلوا ساعات، بيقعوا ويقاوموا، مبنقدرش نبين تعبنا ده للناس، المفروض الجمهور يشوفنا واحنا فرحانين، محدش بيقدر يبين لحظات انكساره وانهزامه للناس، احنا بني آدمين، عندنا مشاكل محدش يتخيلها، الصورة اللي واخدها الناس عن الفنانين  صورة لامعة.

وتابعت: الدكتور قالي سبب أزمتك النفسية، بناء على حالة نفسية سيئة وضغط نفسي لأني كنت بكتم وبظهر قوتي اتخذلت من ناس كتير.

لقاء سويدان تكشف عن معاناتها مع مرض العصب السابع

كما قالت الفنانة لقاء سويدان، خلال حلقة في برنامجها على قناة الشمس:   لما انا تعبت كان كل امنيتي في اول 10 ايام اني اعرف انام واغمض عيني اليمين لان وانا نايمة كانت بتفضل مفتوحة ودي حاجة خطر جدا فكنت بضطر اني احط بلاستر وطول ماانا الصبح في البيت او رايح العلاج الطبيعي لازم البس نظارة عشان ميخشش هواء.

وتابعت:  فتخيلوا ان طرفة العين اللي مش بتيجي في بالنا انها نعمة لا هي نعمة وكبيرة اوي وانا بحط كل ساعة قطرة بديلة عشان تحافظ على الترطيب بتاعها والوش والاعصاب اللي مش واخدين بالنا منهم هو حاجة مهمة اوي فربنا يديم علينا نعمة الصحة واننا دايما فاكرين اننا نشكر نعمه.